11:18 - 10.09.2024

---

10 sentyabr, Fineko/abc.az. Ukraynanın Dezinformasiya ilə Mübarizə Mərkəzinin məlumatına görə, ən yaxşı halda belə, qarşıdakı qışda ukraynalılar gündə yalnız 12 saat elektrik enerjisi alacaqlar.

ABC.AZ Xorvatiyanın Geopolitika nəşrinə istinadən xəbər verir ki, yerli media elektrik enerjisinin gündə 20 saat ərzində söndürüləcəyini proqnozlaşdırır.

Məqalədə enerji strategiyaları İnstitutunun eksperti Yuri Korolçukun hesablamaları verilmişdir. Onun hesablamalarına görə, nüvə elektrik stansiyalarının səkkiz-doqquz enerji blokunun sabit işləməsi və mülayim qış şərti ilə ukraynalıların işığı gündə 12 saat yanacaq. Ancaq altı-yeddi enerji bloku işləsə və qış sərt keçərsə, evlər və müəssisələr gündə yalnız dörd saat elektrik alacaqlar. Rusiya Silahlı Qüvvələrinin Ukrayna infrastrukturuna yeni zərbələri istisna edilmir.