16:48 - 10.09.2024

---

10 sentyabr, Fineko/abc.az. Polaris Dawn adlı missiyanı Shift 4 ödəmə xidmətinin qurucusu Cared Ayzekman ödəyib.

ABC.AZ xəbər verir ki, Crew Dragon gəmisinin buraxılışı SpaceX tərəfindən təşkil edilib, gəmi çərşənbə axşamı Florida ştatındakı Kennedy kosmodromundan uğurla göndərilib.

Milyarderi üç ekipaj üzvü müşayiət edir: ABŞ Hava Qüvvələrinin pilotu və iki qadın - SpaceX astronavtı. Missiya çərçivəsində, Ayzekman və SpaceX-in əməkdaşı gəminin kabinəsini bir neçə saatlıq tərk edəcəklər ki, bu da tarixdə ilk kommersiya əhəmiyyətli açıq kosmosa çıxış olacaq.

Həmçinin, komanda mikroqravitasiyanın dərmanların işinə və Yer bitkilərinin inkişafına təsirini ölçəcək.

Polaris Dawn dəyəri açıqlanmır, lakin Ayzekmanın SpaceX gəmisindəki əvvəlki turizm uçuşu 200 milyon dollara başa gəlmişdi.