12:10 - 11.09.2024

---

11 sentyabr, Fineko/abc.az. Kriptovalyuta biznesindən gəlir əldə edənlər üçün yeni vergi qaydaları hazırlanır.

ABC.AZ xəbər verir ki, bu barədə innovasiya və rəqəmsal inkişaf agentliyinin sədri İnarə Vəliyeva "Chain Reaction 2024" forumunun "İnnovasiyalar mədəniyyət kimi" mövzusunda keçirilən panel müzakirəsində bildirib.

"Agentlik Azərbaycanda AIM (Azərbaycan İnnovasiya Mərkəzi) adında ilk innovasiya mərkəzini qurmaqdan qürur duyur. Biz bu mərkəzi oktyabr ayında Bakı və Sumqayıtda açmağı planlaşdırırıq, ilin sonuna qədər isə bölgələrdə bir mərkəz daha açılacaq. Gələn il isə Bakıda bir neçə yeni mərkəz açmağı planlaşdırırıq", - Vəliyeva qeyd edib.

Vəliyeva, dövlət-şəxsi tərəfdaşlıqların təşəbbüslərin davamlılığını təmin edəcəyinə və biznes sektorunun uzunmüddətli inkişafda açar rolunu oynayacağına əmindir.

Qeyd edək ki, Bakıda "Chain Reaction 2024" forumunun ikinci günü başlayıb. Tədbirin əsas mövzuları blokçeyn, Web3, süni intellekt və rəqəmsal aktivlərdir.