16:56 - 11.09.2024

---

11 sentyabr, Fineko/abc.az. 2024-cü ilin yanvar-avqust ayında Azərbaycanın pərakəndə ticarət şəbəkəsində satdığı avtomobil yanacağından əldə etdiyi gəlirin məbləği məlum olub.

Dövlət Statistika Komitəsindən ABC.AZ-a daxil olan məlumata görə, hesabat dövründə ölkənin pərakəndə ticarət şəbəkəsində satılan avtomobil benzini və dizel yanacağından 2 122 milyon manat gəlir əldə olunub ki, bu da illik müqayisədə 7.5% çoxdur.

Qeyd edək ki, cari ilin yanvar-avqust ayında alıcıların pərakəndə ticarət şəbəkələrində aldıqları mallara xərclədiyi vəsaitin 5.7 faizi avtomobil benzini və dizel yanacağının alınmasına sərf olunub.