12:18 - 13.09.2024

---

13 sentyabr, Fineko/abc.az. Çində turistləri Şərqi Zhejiang əyalətindəki Tian Yu dağına aparan 350 metr uzunluğunda eskalator təqdim edilib. Obyektin dəyəri 2,2 milyon dollar təşkil edib.

ABC.AZ xəbər verir ki, onun xüsusiyyəti "ağıllı" duman — sərinliyi qorumaq üçün dumana bənzər incə dispersiyanı püskürtmək üçün xüsusi bir sistemdən ibarətdir.

Eskalator gəzintisi təxminən 10 dəqiqə davam edir və qiyməti 30 Yuan (4,32 dollar) təşkil edir. Xidmət yerli əhali və turistlər arasında son dərəcə populyardır.

Səyahətçilər eskalatordaan 300 metr hündürlükdə düşürlər və bir neçə dəqiqə piyada zirvəyə doğru davam edirlər. Qaldırıcı qurğu olmadan 3 km uzunluğunda dolama yol təxminən bir saat çəkir.