15:34 - 13.09.2024

---

13 sentyabr, Fineko/abc.az. Sentyabrın 14-dən Bərdə-Xankəndi müntəzəm avtobus reysi istifadəyə veriləcək.

ABC.AZ Rəqəmsal İnkişaf və Nəqliyyat Nazirliyinin məlumatına əsasən xəbər verir ki, gün ərzində 3 dəfə həyata keçiriləcək reys üzrə avtobuslar Bərdə şəhər avtovağzalından saat 07:00, 11:30 və 16:30-da, Xankəndi şəhərindən isə saat 09:00, 14:30 və 18:30-da yola düşəcək. Xankəndi-Bərdə reysi üzrə aralıq məntəqə olaraq Xocalı şəhəri təyin edilib.

Bərdə-Xankəndi reysi və Bərdə-Xocalı aralıq məntəqəsi reysi “biletim.az” portalına inteqrasiya edilib. Bərdə-Xankəndi istiqamətində biletin qiyməti 2,8 manat, Bərdə-Xocalı istiqamətində 2,5 manat təşkil edir.