11:05 - 17.09.2024

---

17 sentyabr, Fineko/abc.az. Kanada və Meksika Asiya bazarlarında ABŞ ilə rəqabət aparmaq üçün mayeləşdirilmiş təbii qazın (LNG) ixracı üçün infrastruktura təxminən 63 milyard dollar sərmayə qoymağı planlaşdırır.

ABC.AZ xəbər verir ki, iki ölkənin hakimiyyəti ABŞ-a LNG ixracına yeni icazələrin verilməsinin dayandırılmasından istifadə etmək istəyir.

Qeyd olunur ki, Kanada və Meksikadakı yataqların əksəriyyəti qərb sahillərində cəmləşib və LNG tankerlərinin həddindən artıq yüklənmiş Panama kanalından keçməsinə ehtiyac qalmayacaq ki, bu da Asiya bazarlarına çıxışı xeyli asanlaşdıracaq və ucuzlaşdıracaq.