15:03 - 18.09.2024

---

18 sentyabr, Fineko/abc.az. 2024-cü ilin yanvar-iyul aylarında Azərbaycan xarici ölkələrə 25 milyon 212 min ABŞ dolları dəyərində 19 min 749 ton çiyələk ixrac edib. 

ABC.AZ Dövlət Statistika Komitəsinə istinadən xəbər verir ki, bu da 2023-cü il ilin eyni dövrü ilə müqayisədə dəyər ifadəsində 1 milyon 121 min dollar və ya 5%, miqdar baxımından isə 2 149 ton və ya 12% çoxdur.

2023-cü ilin yanvar-iyul aylarında 24 milyon 91 min dollar dəyərində 17 599 ton çiyələk ixrac olunub.

1 kq çiyələyin orta ixrac qiyməti bu ilin ilk 7 ayına görə 2,12 manat olub ki, bu da illik müqayisədə 0,16 manat və ya 6,7% azdır. Ötən ilin yanvar-iyul aylarında bu göstərici 2,33 manat idi.