14:52 - 19.09.2024

---

19 sentyabr, Fineko/abc.az. Çexiya parlamentinə Rusiya pasportundan imtina etmədikləri təqdirdə Rusiyalılara vətəndaşlıq verməkdən imtina etməyə imkan verən qanun layihəsi təqdim edilib.

ABC.AZ xəbər verir ki, əsaslandırma olaraq Rusiya vətəndaşlarının milli təhlükəsizliyə təhdid olduğu mövqeyi səsləndirilib.

“Biz istəmirik ki, Rusiyalılar ikili vətəndaşlıqdan Rusiyanın xeyrinə sui-istifadə etsinlər”, - deyə yerli deputat Martin Eksner bildirib.

Çexiyada daimi yaşayan Rusiya diasporunda dəyişiklik artıq ayrı-seçkilik adlandırılıb və qanun layihəsinin Çexiyada yaşayış icazəsi olan Rusiya vətəndaşlarının təhlükə yaratdığına dair heç bir dəlil ilə dəstəklənmədiyini qeyd edib.