11:55 - 18.10.2024

---

18 oktyabr, Fineko/abc.az. COP29 Azerbaijan əməliyyat şirkəti İqlim Dəyişikliyi ilə mübarizədə dayanıqlı inkişafa və qlobal ekoloji öhdəliklərin yerinə yetirilməsinə kömək etmək səylərini artırır. Bu səylərin bir hissəsi olaraq, şirkət geniş ictimaiyyətə yönəlmiş yeni bir onlayn davamlı təhsil proqramının başladığını elan edib.

ABC.AZ xəbər verir ki, COP29 Azerbaijan Operating Company-nin mütəxəssisləri tərəfindən müxtəlif fənlər üzrə hazırlanmış təlim proqramı ekoloji və sosial davamlılıq, əlçatanlıq, inklüzivlik və bir sıra digər vacib mövzular haqqında məlumatlılığın artırılmasına yönəlib.

Proqramın əsas məqsədi hər bir vətəndaşın COP29 ərəfəsində davamlı və əhatəli bir gələcək qurmaqda oynadığı mühüm rolu vurğulamaqdır. Bu, əsas konsepsiya və biliklərin təqdim edilməsinə, bu məsələlər barədə ictimaiyyətin məlumatlılığının artırılmasına və COP29-un Bakıda keçirilən konfransından əvvəl, zamanı və sonrasında davamlı təcrübələrin yaradılmasına və tətbiqinə kömək etməyə yönəlmişdir.

Onlayn təlim proqramında iştirak etmək istəyənlər  Eduaz platformasaında müvafiq bölmə vasitəsilə qeydiyyatdan keçə bilərlər  (https://eduaz.com/category/66#cop29).