14:55 - 18.10.2024

---

18 oktyabr, Fineko/abc.az. Füzulidə aparılan genişmiqyaslı tikinti-quruculuq işləri davam edir.

ABC.AZ xəbər verir ki, Dövlət Şəhərsalma və Arxitektura Komitəsi Füzulinin işğaldan azad olunması ilə bağlı videoçarx paylaşıb.

Videoda müasir Füzulinin quruculuğundan bəhs edən kadrlar yer alıb. “Böyük Qayıdış”ın böyük hədəflərinə uyğun olaraq Füzuli də sürətlə dirçəlir, inkişaf edir.

Əhalinin yüksək həyat səviyyəsini təmin etmək məqsədilə qabaqcıl şəhərsalma standartlarına uyğun yaşayış məhəllələri tikilir, yeni yol-nəqliyyat infrastrukturu qurulur, təhsil, səhiyyə ocaqları, mədəniyyət mərkəzləri, idman-əyləncə kompleksləri, park və istirahət zonaları salınır.

Bir sözlə, şəhər yenidən canlanır, doğma sakinlərinə daha möhtəşəm bir görkəmdə qucaq açır.