10:37 - 21.10.2024

---

21 oktyabr, Fineko/abc.az. Mərkəzi Bank (AMB) 4 xarici ölkəyə məxsus 5 şirkəti xarici sığortaçılar, təkrarsığortaçılar və sığorta brokerlərinin reyestrinə daxil edib.

ABC.AZ xəbər verir ki, bu barədə Mərkəzi Bankdan bildirilib.

Məlumata görə, reyestrə daxil edilən şirkətlər Böyük Britaniyaya məxsus “Howden Reinsurance Brokers Limited” və “Volante International Limited”, Qazaxıstana məxsus “MOI Insurance Broker”, Lüksemburqa məxsus “Howden Insurance Brokers Limited” və Almaniyaya məxsus “Kuhn & Bülow Versicherungsmakler GmbH”dir.

Bununla da, Azərbaycanın sığorta bazarında fəaliyyət göstərən xarici brokerlərin sayı 92-yə çatıb.