17:23 - 22.10.2024

---

22 oktyabr, Fineko/abc.az. Moskva və Sankt-Peterburq otellərinin bütün seqmentlərində orta yaşayış dəyəri 2024-cü ilin ilk üç rübündə müvafiq olaraq 39% və 14% artmışdır. 

ABC.AZ xəbər verir ki, bu, IBC Real Estate konsaltinq şirkətinin araşdırmasında deyilir.

Məlumata görə, paytaxtdakı otellərdə yerləşmə qiyməti gündə 10,4 min rubla çatıb ki, bu da ötən ilin eyni dövrü ilə müqayisədə 39% yüksəkdir. Sankt-Peterburqda otellərdə gecənin dəyəri 8,5 min rubl təşkil edib ki, bu da bir il əvvələ nisbətən 14% yüksəkdir.
Ekspertlər qeyd edirlər ki, Rusiyanın hər iki şəhərindəki otel obyektlərinin əməliyyat göstəriciləri müsbət dinamika nümayiş etdirməyə davam edir.