16:22 - 23.10.2024

---

23 oktyabr, Fineko/abc.az. Rusiya prezidenti Vladimir Putin BRİKS taxıl birjasının açılmasını təklif edib. O, bu təşəbbüsü Kazanda geniş tərkibdə birləşmə sammitində səsləndirib.

ABC.AZ xəbər verir ki, Putinin sözlərinə görə, BRİKS taxıl birjası dünyada taxıl qiymətlərinin ədalətli göstəricilərini formalaşdırmağa kömək edəcək.

"Bu təşəbbüsün həyata keçirilməsi (BRİKS) milli bazarları mənfi xarici müdaxilələrdən, spekulyasiyalardan və süni qida çatışmazlığına səbəb olmaq cəhdlərindən qorumağa kömək edəcək", - deyə o bildirib.

Putin əlavə edib ki, zaman keçdikcə BRİKS taxıl birjasının tam hüquqlu əmtəə birjasına transformasiyası barədə düşünmək olar.