12:27 - 30.10.2024

---

30 oktyabr, Fineko/abc.az. “Toyota”nın qlobal istehsalı sentyabr ayında əvvəlki ilin eyni ayı ilə müqayisədə 8% azalaraq 826.556 avtomobilə düşüb. ABC.AZ xəbər verir ki, sentyabrda ABŞ-da istehsal 14%, Çində isə 19% azalıb.

ABŞ-da istehsala hava yastığı problemi səbəbindən "Grand Highlander" və "Lexus TX" idman avtomobillərinin istehsalının və çatdırılmasının dayandırılması təsir göstərib. 

“Toyota”, dayandırılmış modellərin istehsalını oktyabrın 21-də bərpa etdiyini açıqladı. Dünyanın ən böyük avtomobil istehsalçısı Çin markaları tərəfindən satılan elektrikli avtomobillərə və plug-in hibridlərə keçiddən Çində ağır təzyiqlərlə üzləşməyə davam edib. 

“Toyota” sentyabr ayında qlobal satışların 7% azalaraq 853.149 avtomobilə düşdüyünü, ABŞ satışlarının 20%, Çin satışlarının 9% və yerli satışların 6% azaldığını bildirib. “Toyota” ilin ilk doqquz ayında 2% azalaraq 7,4 milyon avtomobil satıb.