15:35 - 31.10.2024

---

31 oktyabr, Fineko/abc.az. “Kempinski Group” Baku City Residences şirkəti ilə əməkdaşlıq haqqında saziş imzalayıb və bu Saziş çərçivəsində Azərbaycanın paytaxtı Bakıda 37 lüks iqamətgahdan ibarət Kempinski Residences Bayil Bay kompleksi yaradılacaq.

ABC.AZ xəbər verir ki, tikintinin 2025-ci ilin ikinci rübünə qədər başa çatacağı gözlənilir.

Kempinski Residences Bayil Bay dənizin birinci xəttində, İçərişəhər, Qız Qalası və milli xalça muzeyi, həmçinin Bakı Kristal Zalı və Flame Towers də daxil olmaqla, Bakının ən məşhur görməli yerlərinin yaxınlığında yerləşir.

Kompleksdə sahəsi 249-dan 436,6 kv.m-ə qədər olan yaşayış yerləri nəzərdə tutulur. Bütün mənzillər mülkiyyətə alına biləcək.

Sakinlərin xidmətlərində geniş terraslar, spa, fitnes mərkəzi və s. kimi imkanlar nəzərdə tutulur.

Bundan əlavə, binada üç mərtəbəli mağazalar, iclas otaqları olan xüsusi salon, videokonfrans otağı və Bayıl mənzərələrini təqdim edəcək açıq terraslı restoran planlaşdırılır.