14:30 - 1.11.2024

---

1 noyabr, Fineko/abc.az. İndoneziya hökuməti “Google” smartfonlarının satışını qadağan etdiyini açıqlayıb.

ABC.AZ xəbər verir ki, buna səbəb yerli istehsal komponentlərinin istifadəsini tələb edən qaydaların pozulmasıdır.

Qərar İndoneziya hökumətinin “Apple”ın eyni səbəbdən “iPhone 16” smartfonunun satışını bloklamasından bir neçə gün sonra verilib.

Bundan əvvəl bildirilmişdi ki, İndoneziya Sənaye Nazirliyi lazımi tələblərə cavab vermədiyi üçün Amerikanın “Apple” şirkətinə “iPhone 16” smartfon modellərinin ölkənin daxili bazarında satışına qadağa qoyub.