11:19 - 4.11.2024

---

 4 noyabr, Fineko/abc.az. Qlobal istixana qazı emissiyaları 2023-cü ildə rekord həddə çatıb və ölkələr Paris Sazişinin 1,5 °C hədəfinin əldə oluna bilməsi üçün 2030-cu ilə qədər onların 42% azaldılmasını birgə təmin etməli olacaqlar.

ABC.AZ xəbər verir ki, belə bir nəticəyə BMT-nin ətraf Mühit Proqramının (UNEP) emissiya boşluğu ilə bağlı yeni illik hesabatında gəliblər.

Hesabatda bildirilir ki, 2023-cü ildə dünya emissiyalarının həcmi tarixdə ilk dəfə olaraq 57 gigatonu ötüb, 2022-ci illə müqayisədə 1,3% artım qeydə alınıb.

2023-cü ildə ən böyük milli emissiya mənbəyi 16.000 meqaton CO2e istehsal edən Çin olub ki, bu da əvvəlki ilə nisbətən 5.2% çoxdur.