12:31 - 4.11.2024

---

4 noyabr, Fineko/abc.az.    Azərbaycanın bank sektorunun aktivlərinin gəlirliliyi (RoAA) 2024-2026-cı illərdə 2,1%, sektorun kapitalının gəlirliliyi (ROE) isə 16% təşkil edəcək.

ABC.AZ xəbər verir ki, bu barədə “S&P Global Ratings” beynəlxalq kredit reytinq agentliyinin Azərbaycan bank sektoru üzrə proqnozunda bildirilib.

Reytinq agentliyi bank sektorunun qeyri-işlək kreditlərinin bu il 3,0%, 2025-ci ildə isə 3,2%, 2026-cı ildə isə 3,4%-ə qədər artacağını proqnozlaşdırıb. Agentlik həmçinin, kredit itkilərinin 2024-2026-cı illər üzrə ümumi portfelinin 1,2% təşkil edəcəyini müəyyən edib.

S&P bankların kreditlərinin depozitləri nisbətinin (LDR) 2024-cü il üzrə 105,1%, 2025-ci il üzrə 110,7% və 2026-cı il üzrə isə 116,5% təşkil edəcəyini proqnozlaşdırıb.