12:13 - 7.11.2024

---

7 noyabr, Fineko/abc.az. BRİKS Qazaxıstanı təşkilatın tərəfdaş ölkəsi olmağa dəvət edib.

ABC.AZ xəbər verir ki, bu barədə Rusiyanın xarici işlər naziri Sergey Lavrov bildirib. Qazaxıstanın Rusiyadakı səfiri Dauren Abayev əvvəllər respublikanın belə bir status aldığını söyləmişdi.

Oktyabrın 22-24-də Kazanda BRİKS Sammiti keçirildi. Qazaxıstan prezidentinin mətbuat katibi Berik Uali sammit ərəfəsində demişdi ki, Astana hələlik təşkilata üzv olmaq üçün müraciət etməkdən çəkinəcək. Qazaxıstanın Rusiyadakı səfiri Dauren Abayev sammitdən sonra Qazaxıstanın BRİKS-in tərəfdaş ölkəsi statusunu aldığını bildirdi.