14:49 - 3.12.2024

---

3 dekabr, Fineko/abc.az. Future Fund Oman (FFO) bu yaxınlarda ümumi dəyəri 2 milyard dollardan çox olan yeni investisiya layihələrini, o cümlədən xarici investorlar tərəfindən ayrılan 1,6 milyard dolları və FFO tərəfindən verilən 571 milyon dolları elan edib.  

ABC.AZ xəbər verir ki, açıqlamaya görə, gələcək layihələr 1 600-dən çox iş yeri yaradacaq ki, bu da Oman iqtisadiyyatının şaxələndirilməsi strategiyasında əhəmiyyətli bir addım olacaq.

Layihələr texnologiya, istehsal, bərpa olunan enerji və elektrikli avtomobil istehsalı da daxil olmaqla 10 əsas sektoru əhatə edir.

Təsdiq edilmiş layihələr arasında Omanı iinovativ sənayelərdə lider olaraq təyin edən transformasiya təşəbbüsləri var.