17:04 - 4.12.2024

---

4 dekabr, Fineko/abc.az. Səudiyyə Ərəbistanı 2025-ci ildə turistlər üçün əlavə dəyər vergisinin (ƏDV) qaytarılması sistemini işə salmağı planlaşdırır. Onun icrasına nəzarət Krallığın zəkat, vergilər və gömrük Baş İdarəsinə (Zakat, Tax and Customs Authority, ZATCA) həvalə edilmişdir. 

ABC.AZ xəbər verir ki, tədbir vergi uyğunluğunu asanlaşdırmaq və səyyah təcrübəsini yaxşılaşdırmaq məqsədi daşıyır.

Həmçinin, təşəbbüs Vision 2030 proqramının turistləri cəlb etmək məqsədlərinə nail olmağa kömək edəcək.
Gələn il Səudiyyə Ərəbistanı turizm xərclərini 346,6 milyard Səudiyyə rialı (92 milyard dollardan çox) qədər artırmağı və sənayedə 1,17 milyon iş yeri yaratmağı planlaşdırır.