10:53 - 5.12.2024

---

5 dekabr, Fineko/abc.az. Almaniya kansleri Olaf Şolts bildirib ki, AFR-ə gələn işsiz ukraynalı qaçqınlar yaxın vaxtlarda iş axtarışına başlamalıdırlar.

ABC.AZ xəbər verir ki, kanslerin sözlərinə görə, "çox sayda [ukraynalı] burada kifayət qədər uzun müddət qalmaqdadır və indi [iş axtarışına] başlamalıdırlar".

2022-ci ilin fevralından Almaniyaya gələn ukraynalıların sayı 1,8 milyona yaxındır. Digər ölkələrdən sığınacaq axtaranlardan fərqli olaraq, Almaniyadakı ukraynalılar xüsusi statusa malikdirlər və mülki müavinət alırlar ("bürgergeld"). Almaniya səlahiyyətlilərinin məlumatına görə, Almaniyada təxminən 700 min ukraynalı belə ödənişlər alır, onlardan təxminən 480 mini fəaliyyət qabiliyyətlidir.