11:23 - 6.12.2024

---

6 dekabr, Fineko/abc.az. Albaniyanın paytaxtı Tiranada Archi Network of Architecture (NOA) və Atelier4 şirkətlərinin orijinal Puzzle Tirana yaşayış qülləsi inşa ediləcək. 

ABC.AZ xəbər verir ki, şaquli kənd dizaynı mücərrəd üslubda sənət əsərlərinə istinad edir. Memarlıq layihəsi Albaniya səlahiyyətliləri tərəfindən təsdiqlənib. Binanın tikintisinə yaxın vaxtlarda başlanılması planlaşdırılır.

Puzzle Tirana'nın hündürlüyü 71 m olacaq. Qüllənin fasadı, pəncərələri forma, sayı və ölçüsü ilə fərqlənən bir çox blok evdən ibarətdir.
Aşağı mərtəbələrdə ticarət obyektləri, 7-ci mərtəbədən 16-cı mərtəbəyə qədər isə otel və mənzillər yerləşəcək. Ən yuxarıda üç səviyyəli penthaus yerləşəcək.