14:44 - 6.12.2024

---

6 dekabr, Fineko/abc.az. 10 yanvar 2025-cü il tarixində saat 11:30-da hərraca çıxarılacaq xüsusi müsadirə edilmiş əmlakların siyahısı açıqlanıb.

ABC.AZ xəbər verir ki, hərrac addımı – ilkin satış qiymətinin 1 faizindən az olmamalıdır.

Hərracda iştirak etmək istəyən fiziki və hüquqi şəxslər satışa çıxarılan əmlaka sifariş vermək üçün Əmlak Xidmətləri Məkanına müraciət edə bilərlər.

Hərraclarda sifariş və digər zəruri sənədləri təqdim etmiş, satılan əmlakın ilkin satış qiymətinin 10% həcmində behi ödəmiş hüquqi və fiziki şəxslər iştirak edə bilərlər. Sifarişlər Əmlak Xidmətləri Məkanında (Bakı şəhəri, Nizami rayonu, Xəlil Rza Ulutürk küçəsi, 20 ünvanında) hərracın keçirilməsinə ən geci 3 bank günü qalanadək qəbul edilir.