17:17 - 9.12.2024

---

9 dekabr, Fineko/abc.az. Mərkəzi Bank “Güvənli” MMC-nin və onun vəzifəli şəxsinin inzibati məsuliyyətə cəlb olunması barədə qərar verib.

ABC.AZ Banka istinadən xəbər verir ki, AMB tərəfindən aparılmış tematik yoxlama çərçivəsində cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında qanunvericiliyin tələblərinin pozulması ilə əlaqədar İnzibati Xətalar Məcəlləsinin 598.1.2-ci maddəsinə əsasən lombard fəaliyyəti ilə məşğul olan “Güvənli” MMC və onun vəzifəli şəxsi Bakı şəhəri Nəsimi rayon məhkəməsi tərəfindən müvafiq olaraq 20 000 manat və 2 000 manat məbləğində cərimə edilib.

Xatırladaq ki, “Güvənli” MMC 2020-ci ildə təsis edilib və 10 manat nizamnamə kapitalı var. Qanuni təmsilçisi Əbdülrza Rəcəbov Arif oğludur.