11:04 - 10.12.2024

---

10 dekabr, Fineko/abc.az. Çinin noyabrda ixracı 312,3 milyard dollara çatıb.

ABC.AZ xəbər verir ki, bu barədə Çin Xalq Respublikasının Baş Gömrük İdarəsinin bəyanatında deyilir. Sözügedən bəyanatda Çinin ixracını illik müqayisədə 6,7% artırdığı məlum olub.

Noyabrda Çinin idxalının həcmi 3,9% azalaraq 214,9 milyard dollara düşüb. Oktyabr ayında Çinin ixracı 12,7% artıb, idxalı isə 2,3% azalıb.

Yanvar-noyabr aylarında isə Çinin ixracı 5,4% artaraq 3,24 trilyon dollara çatıb. Bu dövrdə idxalın həcmi 1,2% artaraq 2,36 trilyon dollara çatıb.