11:42 - 10.12.2024

---

10 dekabr, Fineko/abc.az. Oktyabrda Türkiyədə işsizlik nisbəti əvvəlki ayla müqayisədə 0,1 bal artaraq 8,8 faizə çatıb.

ABC.AZ xəbər verir ki, bu barədə Türkiyə Statistika Təşkilatı (TÜİK) oktyabr ayı üzrə işçi qüvvəsi statistikasını açıqlayıb.

Hesabat dövründə ölkədə 15 yaşdan yuxarı olan işsizlərin sayı 61 min nəfər artaraq 3 milyon 175 min nəfərə çatıb.

İşsizlik səviyyəsi keçən ilin eyni ayı ilə müqayisədə 0,3 bənd artıb. İşsizlik nisbəti kişilər üçün 6,9 faiz, qadınlar üçün isə 12,3 faiz təşkil edib.