15:38 - 10.12.2024

---

10 dekabr, Fineko/abc.az. Bu ilin yanvar-oktyabr aylarında Rusiyanın xarici ticarətinin müsbət saldosu ötən illə müqayisədə 8,2% artıb.

ABC.AZ xəbər verir ki, bu barədə Rusiya Federal Gömrük Xidmətinin məlumatında deyilir.

Bildirilib ki, sözügedən dövrdə Rusiyanın xarici ticarətinin müsbət saldosu 124,6 milyard dollara çatıb.

Hesabat dövründə ixrac 3,1 milyard dollar artaraq 354,4 milyard dollara, idxal isə 6,3 milyard dollar azalaraq 229,8 milyard dollara çatıb.

Məlumata görə, Avropa ölkələrinə ixrac 23,41% azalaraq 55,6 milyard dollar, idxal 7,34% azalaraq 60,7 milyard dollar təşkil edib.