16:59 - 11.12.2024

---

11 dekabr, Fineko/abc.az. Amerikanın investisiya bankı "Goldman Sachs" növbəti dəfə qızılın gələcəyi ilə bağlı maraqlı pronoz verib.

ABC.AZ xəbər verir ki, ABŞ bankında gələn ilin sonuna qədər dollar bahalaşacağı təqdirdə belə qəzılın bir unsiyasının 3 min dollara çatacağını ehtimal edirlər. 

Proqnoza görə, faiz dərəcələrinin aşağı düşməsi və qeyri-müəyyənliyin artması fonunda həm qızıl, həm də dolların bahalaşma ehtimalı yüksəkdir. "Goldman" analitikləri hesab edirlər ki, qızılın qiyməti əsasən ABŞ Federal Ehtiyatlar Sisteminin uçot dərəcəsinin azaldılması miqyasından asılı olacaq.

Əlavə edək ki, son bir il ərzində qızıl 33% bahalaşıb və hazırda bir unsiya üçün 2,7 min dollardan yuxarı satılır.

Müəllif: Elmir Murad