15:06 - 13.12.2024

---

13 dekabr, Fineko/abc.az. İdxal olunan qidalarda İngiltərədə istifadə üçün təsdiqlənməmiş 48 pestisidin qalıqları var. Bunu ölkə hökumətinin əmri ilə aparılan testlər göstərib.

ABC.AZ xəbər verir ki, nəticələr göstərir ki, Böyük Britaniyaya idxal olunan qida məhsulları daxili yetişdirilən məhsullardan daha çox istehlakçı sağlamlığı riski yarada bilər. Pesticide Action Network UK (Pan UK) məluamtına görə məhsullarda xərçəngə səbəb ola biləcək pestisidlər var.

İdxal olunan qidalarda məhsuldarlığı təsir edən "inkişaf və ya reproduktiv toksinlər" və sinir sisteminə təsir edən neyrotoksinlər də aşkar edilmişdir. Xaricdən gətirilən məhsulların tərkibində çox miqdarda "endokrin pozucu kimyəvi maddələr" olduğu da aşkar edilib.

Fəallar İngiltərənin Brexitdən sonra imzaladığı yeni ticarət müqavilələrinin "İngilis istehlakçıları üçün ciddi sağlamlıq riskləri yarada biləcəyindən" narahatdırlar. Ölkə Hindistanla ticarət sazişi ilə bağlı danışıqlar prosesindədir, yəni oradan ərzaq idxalının artması ehtimalı var.