“AzSığorta”-nın müştərilərə ödədiyi vəsaitlər kəskin azalıb

14:41 - 6.01.2025


6 yanvar, Fineko/abc.az. “AzSığorta” ASC 2024-cü ilin 11 ayında 8 milyon 347 min manat həcmində sığorta haqqı toplayıb.

ABC.AZ Mərkəzi Banka istinadən xəbər verir ki, şirkətin yığımları son bir illə müqayisədə 548 min manat, başqa sözlə 7% artıb. Əvvəlki ilin eyni dövründə “AzSığorta” ASC-nin yığımları 7 milyon 799 min manat olub.

Bu dövrdə şirkətin müştərilərinə etdiyi ödənişlərin məbləği isə 1 milyon 448 min manat olub ki, bu da illik müqayisədə 5 milyon 676 min manat və ya 4,9 dəfə azalma deməkdir. Ötən ilin eyni dövründə şirkət tərəfindən zərərçəkmiş müştərilərə 7 milyon 124 min manat sığorta ödənişi edilib.

Şirkətin zərərlilik göstəricisi isə 17% təşkil edib.