Azərbaycanda sosial şəbəkələrin istifadəsində ciddi dəyişiklik olub

15:31 - 6.01.2025


6 yanvar, Fineko/abc.az. Azərbaycanda sosial şəbəkələrin istifadəsində son illərdə ciddi dəyişiklik olub.

ABC.AZ xəbər verir ki, 2024-cü ilə aid statistikaya əsasən, Instagram ölkədə ən populyar sosial şəbəkə olaraq 47.02% istifadəçi payına sahib olub.

2023-cü ildə isə bu rəqəm 36.64% təşkil edirdi. Hər iki il üzrə sosial şəbəkə öz lider mövqeyini qoruyub saxlayır.

Digər bir sosial şəbəkə Pinterest-in istifadəçi payında azalma müşahidə olunur. 2023-cü ildə Pinterest 23.33% istifadəçi payı ilə ikinci yerdə qərarlaşıb, lakin 2024-cü ildə bu rəqəm 16.96%-ə enib.