Bayden: Los-Ancelesin bərpası üçün on milyardlarla dollar lazım olacaq

10:47 - 14.01.2025


14 yanvar, Fineko/abc.az. Los-Ancelesin şiddətli yanğınlardan təsirlənən ərazilərinin bərpası on milyardlarla dollara başa gələcək.

ABC.AZ xəbər verir ki, bu barədə ABŞ prezidenti Co Bayden federal hakimiyyət nümayəndələri ilə brifinqdə bildirib.

Bayden jurnalistlərlə keçirdiyi brifinqdə deyib ki, Los-Ancelesi bərpa etmək üçün on milyardlarla dollar dəyərində əhəmiyyətli maliyyə resursları tələb olunacaq.

“Konqres fəaliyyətini aktivləşdirməli və lazımi vəsaiti ayırmalıdır. Biz, bunu  öhdəsindən gələcəyik”, — deyə o bildirib.

Qeyd edək ki, yanvarın 7-də Los-Anceles dairəsində başlayan meşə yanğınları ştat tarixində ən miqyaslı yanğın olub. Hakimiyyət orqanlarının məlumatına görə, yanğınların ümumi sahəsi 16 000 hektarı keçib. Məşhur insanların evləri də daxil olmaqla 12 300-dən çox bina yanaraq külə dönüb.