14:23 - 15.01.2025

---

15 yanvar, Fineko/abc.az. Yanvar ayının 1-nə dövlət qeydiyyatında olan kommersiya qurumlarının tərkibində aktiv ƏDV ödəyicilərinin sayı 40.416 vahid təşkil edərək əvvəlki illə müqayisədə 15,7 faiz artıb.

ABC.AZ xəbər verir ki, ƏDV ödəyicilərinin ümumi qeydiyyatda xüsusi çəkisi 32,2 faiz təşkil edib.

Dövlət qeydiyyatında olan kommersiya hüquqi şəxslərin 91,4 faizi MMC, 1,2 faizi səhmdar cəmiyyət, 1,1 faizi kooperativ və s. formalarda yaradılıb.

2025-ci ilin yanvar ayının 1-nə dövlət qeydiyyatında olan 125.696 kommersiya qurumunun vəziyyəti aktiv olub. 2024-cü ilin əvvəli ilə müqayisədə aktiv kommersiya qurumlarının sayı 11,6 faiz artıb.