Neftin bahalaşması davam edir, Brent bir barelə $82,08 təşkil edir

09:30 - 16.01.2025


16 yanvar, Fineko/abc.az. Etalon markaların qiymətləri əvvəlki sessiyanın nəticələrinə görə xeyli yüksəlişdən sonra cümə axşamı ticarətində artmağa davam edir.

Brent markalı neftin mart ayına olan fyuçersi ICE Futures birjasında saat 09:15-də $0,05 (0,06%) artaraq bir barelə $82,08-a yüksəlib. Yanvarın 15-də keçirilən hərracların nəticələrinə görə, Brent neftinin mart fyuçersləri $2,11 (2,64%) artaraq bir barel üçün $82,03-a çatıb.

NYMEX əmtəə birjasının ticarətində WTI neftinin fevral fyuçersləri saat 09:15-də $0,10 (0,12%), bir barelə $80,14-a yüksəlib. Yanvarın 15-də aparılan hərracların nəticələrinə görə, WTI neftinin fevral fyuçersləri $2,54 (3,28%) artaraq bir barelə $80,04-a yüksəlib.