Valyuta hərracında tələb 4,5% artıb

12:32 - 16.01.2025


16 yanvar, Fineko/abc.az. Azərbaycan Mərkəzi Bankı (AMB) Dövlət Neft Fondunun iştirakı ilə valyuta hərracı keçirib.

ABC.AZ xəbər verir ki, Mərkəzi Bankın məlumatına görə, yanvarın 16-da keçirilən valyuta hərracında bankların tələbi 71,4 milyon dollar təşkil edib və tam təmin edilib.

AMB-nin məlumatına görə, bu, ötən hərracdan 3,1 milyon dollar (4,5%) çoxdur. Yanvarın 14-də valyuta hərracında AMB banklara 68,3 milyon dollar satıb.

Valyuta hərracının yekunları üzrə ortaçəkili məzənnə 1,7000 AZN / USD təşkil edib.