Azərbaycanın xariclə ticarət balansında 5 milyard dollardan çox qalıq yaranıb

15:20 - 16.01.2025


16 yanvar, Fineko/abc.az. 2024-cü ilin yanvar-noyabr aylarında Azərbaycanın xariclə ticarət balansında 5 milyard 270.3 milyon dollar məbləğində qalıq (müsbət saldo) yaranıb. 

ABC.AZ Dövlət Statistika Komitəsinə istinadən xəbər verir ki, oktyabra qədər bu rəqəm 5 milyard 139.9 milyon dollar olmuşdu və son aylarda artım müşahidə edilir.

Qeyd edək ki, ölkənin xariclə ticarət balansında müsbət saldo manatın güclənməsində və ya güclü qalmasında əsas faktorlardan biridir. Xariclə ticarət cari əməliyyatlar balansının əsas komponentidir. İxrac idxalı üstələdikdə ölkəyə daha çox valyuta daxil olur ki, bu da manatın sabitliyini təmin edir.