Ən çox şikayət olunan “Xalq Sığorta” ASC-dir

10:30 - 17.01.2025


17 yanvar, Fineko/abc.az. Mərkəzi Bankı tərəfindən 2024-cü ilin yanvar-dekabr dövrünü əhatə edən avto-icbari sığorta üzrə şikayət indeksi cədvəli təqdim olunub.

ABC.AZ xəbər verir ki, son məlumatlara görə, “Xalq Sığorta” ASC 1.35 şikayət indeksinə sahib olaraq siyahıya liderlik edib.

Metodologiyaya əsaslansaq, bu göstərici həmin şirkətin xidmət səviyyəsinin digər sığorta şirkətlərinə nisbətən daha aşağı olduğunu göstərir.

Siyahıda “Paşa Sığorta” ASC isə 1.32 indekslə ikinci sırada qərarlaşıb.

Şikayət indeksi vətəndaşlara sığorta şirkətlərinin xidmət keyfiyyətini müqayisə etməkdə dəstək olmaq məqsədilə hazırlanıb.