Gömrük xətti ilə büdcə daxilolmaları 6 milyard 648 milyon 703 min manata çatıb

15:45 - 17.01.2025


17 yanvar, Fineko/abc.az. 2024-cü il ərzində Azərbaycanda gömrük xətti ilə büdcə daxilolmaları əvvəlki illə müqayisədə 4.9% artaraq 6 milyard 648 milyon 703 min manata çatıb.

ABC.AZ Dövlət Gömrük Komitəsinə istinadən xəbər verir ki, gömrük rüsumları üzrə daxilolmalar 1 milyard 790,749 milyon manat (əvvəlki illə müqayisədə 10% çox), əlavə dəyər vergisi (ƏDV) üzrə daxilolmalar 4 milyard 609,130 milyon manat (3.7% çox), aksizlər üzrə daxilolmalar 204,373 milyon manat (8.9% az), yol vergisi üzrə daxilolmalar isə 44,449 milyon manat (3.8% çox) təşkil edib.