17:26 - 21.01.2025

---

21 yanvar, Fineko/abc.az. Bakıda Qırğız Ticarət Evinin açılması münasibətilə tədbir keçirilib.

ABC.AZ xəbər verir ki, səfir Maksat Mamıtkanov bildirib ki, bu kimi tədbirlər dost Azərbaycan və Qırğızıstan xalqlarının dostluğunu, habelə biznes dairələri arasında əməkdaşlığı möhkəmləndirəcək:

"Ötən ilin aprelində Qırğızıstan Prezidenti Sadır Japarovun səfəri zamanı müvafiq əməkdaşlıq bəyannaməsi, eləcə də Nazirlər Kabinetləri arasında da əməkdaşlığın genişləndirilməsi barədə sənəd imzalanıb. Əsas məqsədimiz regional əməkdaşlığı özündə ehtiva edən ortaq layihələrin icrasını təşviq etməkdən ibarətdir. Türk Ticarət Mərkəzi məhz buna xidmət edəcək".