BTC neft kəməri ilə bu il Qazaxıstan neftinin tranzit həcmi 1,5 milyon ton olacaq

16:13 - 22.01.2025


22 yanvar, Fineko/abc.az. Bu il Bakı-Tbilisi-Ceyhan (BTC) neft kəməri ilə Qazaxıstan neftinin tranzit həcmi 1,5 milyon ton təşkil edəcək.

ABC.AZ xəbər verir ki, bu barədə Qazaxıstanın Energetika Nazirliyindən bildirilib.

Məlumatda qeyd edilib ki, 2024-cü ildə BTC ilə Qazaxıstan neftinin tranziti 1,5 milyon ton plan üzrə 1,4 milyon ton təşkil edib. "2025-ci il üçün BTC üzrə plan 2024-cü ilin səviyyəsində – 1,5 milyon ton neft həcmində qalır”, – nazirlikdən bildirilib.

Məlumata görə, 2023-cü ildə Aktau limanından BTC sisteminə 1 milyon tondan çox Qazaxıstan nefti göndərilib.