15:33 - 31.01.2025

---

31 yanvar, Fineko/abc.az. Bu il Azərbaycanda turizm sektorunun (ictimai iaşə daxil deyil) gəlirlərinin 1,03 milyard ABŞ dollarına çatacağı gözlənilir.

ABC.AZ xəbər verir ki, bu barədə “Statista” portalının proqnozunda bildirilib.

Hesablamalara görə, 2025-2029-cu illərdə sektorda illik artım sürəti 4,05% təşkil edəcək. Nəticədə 2029-cu ildə sektorun həcmi 1,2 milyard ABŞ dollarına çatacaq.

Cari ildə ölkənin turizm sektorunun ən mühüm seqmenti 546,1 milyon ABŞ dolları bazar həcmi ilə hotelçilik sənayesi olacaq.

2029-cu ilə qədər Azərbaycanın turizm bazarında ümumi gəlirlərin 74%-nin onlayn satışlardan əldə ediləcəyi proqnozlaşdırılır. (APA)