10:58 - 11.02.2025

---

11 fevral, Fineko/abc.az. Dubay 2024-cü ildə 18,72 milyon xarici turist qəbul edib ki, bu da meqapolisin 17,15 milyon qonağı qeydə aldığı əvvəlki ilə nisbətən 9% çoxdur.

ABC.AZ xəbər verir ki, bu barədə əmirliyin İqtisadiyyat və Turizm Departamentinin (DET) məlumatlarında deyilir.

Əsas amillər arasında beynəlxalq tərəfdaşlıqların genişlənməsi, genişmiqyaslı tədbirlər və artan qonaqpərvərlik sektoru sadalanır. Deyilənə görə, Əl-Maktum beynəlxalq hava limanının genişləndirilməsi və Dubay metrosunun mavi xəttinin uzadılması kimi böyük infrastruktur layihələri şəhərin turizm cəlbediciliyini daha da artıracaq.