14:20 - 17.02.2025

---

17 fevral, Fineko/abc.az. “Azərbaycanda rəqəmsal aktivlərə, o cümlədən kriptovalyutalara marağın artdığını müşahidə edirik”.

ABC.AZ xəbər verir ki, bunu Mərkəzi Bankın (AMB) sədri Taleh Kazımov Ər-Riyadda keçirilən “İqtisadiyyatı inkişaf etməkdə olan ölkələr üçün Əl-Ula” adlı konfransda çıxışı zamanı bildirib.

O deyib ki, bu tendensiya Azərbaycanda rəqəmsal aktivlərin tənzimlənməsi üçün hüquqi bazanın işlənib hazırlanmasını sürətləndirməyə təkan olub.

T.Kazımov həmçinin vurğulayıb ki, Azərbaycan son 3 ildə maliyyə sektorunun tənzimlənməsi, xüsusilə çirkli pulların yuyulmasına qarşı mübarizə (AML) və komplayns sahələrində əhəmiyyətli irəliləyiş əldə edib: “Son üç il ərzində, xüsusilə anti-pul yuyulması (AML) və uyğunluqla bağlı tənzimləmə dəyişikliklərində əhəmiyyətli irəliləyiş əldə etmişik. Biz maliyyə bazarının stimullaşdırılması və beynəlxalq tələblərə riayət edilməsi arasında balansı qorumağa çalışırıq. Bu islahatlar nəticəsində Azərbaycan banklarının, xüsusilə ABŞ-dəki müxbir şəbəkəsi əhəmiyyətli dərəcədə genişlənib”. (APA)