09:50 - 13.03.2025

---

13 mart, Fineko/abc.az. Etalon markaların qiyməti dünənki artımdan sonra cümə axşamı hərracda bir qədər azalır.

Brent markalı neftin may fyuçersi ICE Futures birjasında saat 09:45-də $0,11 (0,16%) azalaraq bir barel üçün $70,84-a düşüb. Martın 12-də keçirilən hərracların nəticələrinə görə, Brent neftinin may fyuçersləri $1,39 (2,00%) artaraq bir barelə $70,95-a çatıb.

NYMEX əmtəə birjasının ticarətində WTI neftinin aprel fyuçersləri saat 09:45-də $0,15 (0,22%), bir barelə $67,53-a düşüb. Martın 12-də aparılan hərracların nəticələrinə görə, WTI neftinin aprel fyuçersləri $1,43 (2,16%) artaraq bir barelə $67,68-a yüksəlib.