10:42 - 14.03.2025

---

14 mart, Fineko/abc.az. Azərbaycan 2025-ci ilin yanvarında daha 8 ton qızıl almaqla indiyə qədər qeydə alınan ən böyük aylıq idxal həyata keçirmiş oldu.

ABC.AZ xəbər verir ki, yanvar ayında ümumi həcmi 7 950.47 kq və ya təqribən 280 445 troy unsiya qızıl alışı həyata keçirib. Azərbaycan idxal olunmuş qızıl üçün bir aya xaricə $689.95 milyon xərc çəkmiş olub.

Qızıl Son illərdə geosiyasi risklər və yüksələn inflyasiya fonunda ABŞ dollarına qarşı güclü artım edib. Keçən ilin əvvəlində 2 000 dollar/unsiya olduğu halda, ilin sonuna 2 900 dollara qədər bahalaşıb. Yeri gəlmişkən bu gün, 14 mart 2025-ci il tarixində qızılın fyuçersləri 3000 dollar/unsiyaya qalxmaqla tarixi maksimum yenilədi.