11:53 - 14.03.2025

---

14 mart, Fineko/abc.az. Qırğızıstan və Tacikistan 2021-ci ildə dayandırılmış aviareysləri bərpa edib. 

ABC.AZ xəbər verir ki, Düşənbə ilə Bişkek arasındakı ilk uçuşu Tacikistan milli hava daşıyıcısı "Somon Air" həyata keçirib. 

Martın 23-dən marşrut üzrə uçuşlar bazar günləri həyata keçiriləcək. Gələcəkdə aviaşirkət Qırğızıstanın paytaxtına uçuşların tezliyini həftədə ikiyə qədər artırmağı planlaşdırır. 
Bundan əlavə, yaxın vaxtlarda tərəflər arasında avtobusla gediş-gəliş də bərpa olunacaq.