15:35 - 14.03.2025

---

14 mart, Fineko/abc.az. Bu il yanvarın 1-nə Azərbaycan dünyanın nüfuzlu inkişaf bankları və fondları, həmçinin müxtəlif beynəlxalq maliyyə təşkilatları ilə 217 kredit sazişi imzalayıb.

ABC.AZ xəbər verir ki, bu barədə Nazirlər Kabinetinin 2024-cü ildə fəaliyyəti haqqında hesabatda bildirilir.

Sənədə əsasən, bu sazişlər ölkənin sosial-iqtisadi inkişafı üçün vacib əhəmiyyət kəsb edən sahələr üzrə 174 layihənin maliyyələşdirilməsini təmin edib.

İmzalanmış sazişlərdən 105-nin müddəti başa çatıb, 112-si qüvvədədir.

Hazırda xarici kreditlər hesabına ölkə daxilində 6 layihənin, o cümlədən nəqliyyat sektoru üzrə 2, sosial sektor üzrə 1, ekologiya sektoru üzrə 1, elektrik infrastrukturu sektoru üzrə 1, su təchizatı və meliorasiya sektoru üzrə 1 layihənin həyata keçirilməsi davam etdirilir.