10:31 - 18.03.2025

---

18 mart, Fineko/abc.az. Ukrayna vasitəsilə qaz tranziti olmadan Avropa rəqabət qabiliyyətini qoruya bilməyəcək və Slovakiya onun bərpasına nail olmaq niyyətindədir.

ABC.AZ xəbər verir ki, bu barədə ölkənin Baş naziri Robert Fitso bildirib.

Ölkə dəfələrlə bəyan edib ki, öz ərazisindən Qərb ölkələrinə qaz nəqli imkanlarını saxlamağı planlaşdırır. Slovakiya tranzitin bərpasını müdafiə etməyə davam edir. Bu qərara görə, ölkə tranzitin dayandırılması səbəbindən təxminən 500 milyon avro, qaz qiymətlərinin artması səbəbindən daha 1 milyard avro itirir.

Robert Fitsonun vurğuladığı kimi, qaz tranzitinin dayandırılması bütün AB-yə 70 milyard avroya başa gəlir.